Kalurahan Seloharjo

Senin legi 28 Oktober 2019,

Ing tlatah Kabupaten Bantul kathah sanget papan Pariwisata kang endah,mboten ketinggalan ugi wewengkon Desa Seloharjo ugi wonten papan wisata ingkang enggal.

Ginakaken swasana kang pas ing wanci ketiga ( Kemarau ) kathah tetuwuhan enceng gondhog kang nuwuhaken sesekaran kang endah,kadya taman kembang ing Nagari Jepang.

Para mudha ing Dusun Kalinampu Desa Seloharjo sami sengkut bangun papan wisata kanthi ngginaaken papan ing pinggiring lepen kagem papan selfi ,foto-foto tumrap para wisatawan.

Sarana kang wonten ing papan punika kados busana Kimono Jepang,Payung Jepang,lan sak panunggalanipun.Kanyata wontenipun papan ingkang dipun sulap kanthi maneka werna kados ing jepang,ndadosaken daya tarik piyambak tumrap para pandhemen ingkang asring dolan-dolan pados suasana enggal,mboten namung wisatawan sak kiwa tengen Seloharjo kemawon ingkang sami rawuh,nanging kathah sanget wisatawan sak jawinipun ugi katahah ingkang sami rawuh.

Dewi olala seniwati,artis lan ugi presenter ing setunggaling TV Swasta ing Jogja ugi mboten ketinggalan , piyambakipun ngendikakaken bilih para mudha saged damel lapangan pedamelan piyambak,sinaosa namung damel papan wisata wonten ing papan lokal/Pedusunan,katitik saking terampilipun para mudha,Karangtaruna,saged nuwuhaken asil piyambak kagem Pedusunan,menapa malih kagem tambahan asil keluarga,sak sampunipun wonten papan wisata kanyata para warga kathah ingkang sadeyan jajanan wonten ing papan menika.Mangga ingkang dereng rawuh inggal kemawon rawuh nggihhh mumpung dereng jawah lan banjir,,

Alamat Kalinampu Seloharjo Pundong Bantul.

Rute saking jalan Parangtritis KM 15 Patalan sak sampunipun RS RACHMA HUSADA majeng sekedhik wonten plakat arah pundong mendhet kiwa lurus dumugi Balai Desa Seloharjo mentog,lajeng kiwa malih kirang langkung 1km,sak sampunipun dronjongan alon-alon ningali petunjuk arah Kalinampu Natural Park.manggaaaaa,,,,,,,,,,,